You Are What You Keep

Sam Gosling ဟာ ကြမ်းခင်းထားတဲ့ ကော်ဇောတစ်လျှောက် ဒူးထောက်ပြီး ဟိုစမ်းဒီစမ်း ဟိုရှာဒီရှာ လုပ်နေလေရဲ့ ။ ဒီကေဘယ်ကြိုးတွေကို ကြည့်ပါဦး.. ဒီပုလင်းဖုံးတွေကကော ဘာအဓိပ္ပါယ်လဲ.. ဘောပင်တွေကလည်း အများကြီး.. ဟော..ဒီမှာလည်း စာအိတ်ဖွင့်တဲ့ ဓားလေးတစ်ခု..စိတ်ဝင်စားစရာပဲ.. စသဖြင့် သူ့ ဟာသူရေရွတ်နေလေရဲ့ ။ သူပိုက်စိတ်တိုက်ရှာနေတဲ့ အခန်းထဲမှာကတော့ ဓါတ်ပုံတွေ၊ အပုံလိုက်ဖြစ်နေတဲ့ စီဒီတွေ၊ ဂီတပွဲတွေက စာအတိုအစတွေ၊ နိုင်ငံရေးပို့ စတာတွေ၊ “Winners Make It Happen” လို့ အပိုတွေ ရေးထားတဲ့ ခြုံထည်တစ်ခု စတာတွေနဲ့  ပြည့်ကျပ်နေပါတယ်။ Oliva Newton-John ရဲ့ စီဒီတစ်ချပ်ကိုတွေ့ တော့ မှုခင်းစုံထောက်ကားထဲက ဇာတ်လိုက်စတိုင်နဲ့  အဟား လို့  တောင် ရေရွတ်နေလိုက်သေးတယ်။ တကယ်တော့ သူဟာ မှုခင်းဖြစ်ပွားတဲ့နေရာမှာ ထောက်လှမ်းနေတာ မဟုတ်ရပါဘူး။ နယူးစ်ဝိခ်သတင်းထောက်တစ်ယောက်ရဲ့  ရုံးခန်းပါ။ Gosling ကတော့ သူ့ ရဲ့ ကိုယ်ရည်ကိုယ်သွေး (personality) ကိုရည်ညွှန်းမယ့် အချက်အလက်တွေကို ရှာဖွေနေတာပါ။

တစ်နေ့ တစ်နေ့  သူများအိပ်ခန်းတွေ၊ ရုံးခန်းတွေ၊ ဆေး စတိုး တွေကို ရှာဖွေနေတဲ့ စိတ္တဗေဒပညာရှင် Gosling က ကျွန်တော်တို့ အသုံးအဆောင်ပစ္စည်းတွေဖြစ်တဲ့ စာအုပ်တွေအစ ပုလင်းဖုံးအထိဟာ ကျွန်တော်တို့  ဘယ်လိုလူစားမျိုးလဲ၊ ဘာတွေကို တန်ဖိုးထားသလဲ ဆိုတာတွေကို ဖော်ပြနေတဲ့ စကားမပြောသော သဲလွန်စများလို့  ဆိုပါတယ်။ သူ့ ရဲ့  “လေ့လာကြည့်ပါ၊ မင်းပစ္စည်းတွေက ပြောနေတဲ့ မင်းအကြောင်းတွေ” (Snoop: What Your Stuff Says About You) ဆိုတဲ့ စာအုပ်ထဲမှာတော့ လူတွေရဲ့  ပစ္စည်းပစ္စယတွေက မျက်နှာချင်းဆိုင်တွေ့ ဆုံကြတာထက်တောင် သူတို့ ရဲ့ ကိုယ်ရည်ကိုယ်သွေး (personalities) တွေကို ပိုပြီးပြောပြနိုင်တယ်၊ တစ်ခါတစ်ရံမှာ သူတို့ ရဲ့  အရင်းနှီးဆုံးမိတ်ဆွေတွေမှ ပြောနိုင်မှာတွေကိုတောင် ပြောပြပါတယ် လို့ ရေးသားထားပါတယ်။ ဒီရှုပ်ပွနေတဲ့ အခန်းပိုင်ရှင် သတင်းထောက်ကိုတော့ က အသက်သုံးဆယ်အရွယ် အမျိုးသားတစ်ယောက်လို့  ကောက်ချက်ချပါတယ် (သူ့ မှတ်ချက် မှန်ပါတယ်)။ သူက ဒီသတင်းထောက်ဟာ အပြင်ဆွဲ (extravert) တစ်ယောက်၊ စိတ်ခံစားမှု တည်ငြိမ်သူတစ်ယောက်၊ ပွင့်လင်းသော၊ ဆန်းသစ်သော၊ လွတ်လပ်သော အတွေးအခေါ်ရှိသူ တစ်ယောက်၊ အနှောင်အဖွဲ့ ကင်းသူ တစ်ယောက်ဖြစ်ပြီး ဟာသဥာဏ်ရှိသူတစ်ယောက်လို့  ပါတီပွဲသွားဖို့  ကောင်းသူတစ်ယောက်လို့  ဆိုပါတယ် (သတင်းထောက်တော့ သူပြောတာ တကယ်ကို ဒက်ထိမှန်တာပဲ လို့  ပြန်ပြောပါတယ်)။ နောက်ရုံးခန်းတစ်ခုဖြစ်တဲ့ ရိုးရိုးရှင်းရှင်းနဲ့  အမှတ်တရဓါတ်ပုံတွေ ကင်းမဲ့နေတဲ့ ရုံးခန်းတစ်ခုက တော့ ပိုင်ဆိုင်သူဟာ အတွင်းဆွဲ တစ်ယောက်၊ စိတ်လှုပ်ရှားလွယ်သူ တစ်ယောက်၊ ချွေတာတတ်သူတစ်ယောက် ဖြစ်ပြီး အထီးကျန်ဆန်သူ တစ်ယောက်ဖြစ်ကြောင်း ပြနေခဲ့ပါတယ်။ အခြေခံတော့ ကျပါတယ်။ ဒါပေမယ့် ထိရောက်တဲ့ လေ့လာစူးစမ်းမှုမျိုးလုပ်ဖို့ ဆိုတာက ဓါတ်ပုံတွေ အများကြီးတွေ့ တိုင်း ကျော်ကြားတယ်၊ စီဒီတွေတွေ့ တိုင်း ဂီတကို မြတ်နိုးတယ်လို့  ပြောဖို့ လောက်တော့ မရိုးရှင်းသေးပါဘူး။ ထင်ရှားနေတဲ့ ပစ္စည်းတွေက ပြဿနာအပေးဆုံးလို့ ဆိုပါတယ်။ အဓိပ္ပါယ်ကောက် လွဲသွားစေနိုင်ပါတယ်တဲ့။ ဒီ အပြင်ဆွဲ သတင်းထောက်ကိစ္စမှာဆိုရင် စာအုပ်စင်ပေါ်မှာရှိနေတဲ့ Hooters တံဆိပ် ငရုပ်ဆီဘူးက သတင်းထောက်ဟာ Hooters အမြဲသုံးစွဲသူပါလို့  မလိုအပ်ဘဲ ကောက်ချက်လွဲသွားစေနိုင်ပါနိုင်တယ်တဲ့ (သတင်းထောက်ကတော့ ဘာမှတ်ချက်မှ မပေးပါဘူး)။

သူ့ ရဲ့ စာအုပ်ထဲမှာတော့ အခြားသူတစ်ယောက်ရဲ့ စိတ်ဝင်စားမှုအစစ်အမှန်နဲ့ ထူးခြားမှုတွေကို ထိထိမိမိ စူးစမ်းခန့်မှန်းနိုင်သူ (snooper) တစ်ယောက်ဖြစ်အောင် သင်ပေးထားတယ်လို့  ပြောပါတယ်။ တကယ်တော့ ခရစ်တော်မပေါ်မီ နှစ်ပေါင်း ၃၀၀ ကျော်လောက်ကတည်းက လူတွေရဲ့  အလေ့အထ (behavior) တွေကို လေ့လာခန့်မှန်းခဲ့ကြပါတယ်။ ဂရိတွေးခေါ်ပညာရှင် Theophrastus က The Charactors ဆိုပြီး လူတွေရဲ့  Personality profiles ပေါင်း (၃၀) ဖေါ်ပြထားခဲ့ပါတယ်။ နောက် ရာစုနှစ်ပေါင်းလေးခုလောက်အကြာမှာတော့ ဂရိဆေးပညာရှင် Galen က လူ့ သဘောသဘာဝ တွေဟာ အကောင်းမြင်တတ်ခြင်း (sanguine) ၊ တည်ငြိမ်ခြင်း (phlegmatic) ၊ စိတ်အားငယ်ခြင်း (melancholic) ၊ စိတ်ဆတ်ခြင်း (choleric) စတဲ့အခြေခံ (၄)ခုအတိုးအလျော့ ကနေ ဖြစ်လာတာပါလို့  ဆိုခဲ့ပါတယ်။ အနီးစပ်ဆုံးဆိုရင်တော့ ဒုတိယကမ္ဘာစစ်အတွင်းက Katherince Briggs နှင့်သမီးဖြစ်သူ Isabel Brigg Meyers တို့ က လူတွေကို ဆန့် ကျင်ဘက်သဘာဝတွေဖြစ်တဲ့ အပြင်ဆွဲ (extraversion) နှင့် အတွင်းဆွဲ (introversion) ၊ စီရင်သူ (judging) နှင့်အစီရင်ခံသူ (percieving) စတာတွေနှင့် အမျိုးအစားခွဲခြားပြခဲ့လို့  Meyers-Briggs Type Indicator ဆိုပြီးပေါ်ပေါက်လာခဲ့ပါတယ်။ Gosling ကတော့ ပွင့်လင်းမှု (openness) ၊ သတိကြီးမှု (conscientiousness) ၊ အပြင်ဆွဲမှု (extraversion) ၊ နားလည်လက်ခံနိုင်မှု (aggreeableness) နှင့် စိတ်ပိုင်းဆိုင်ရာ အစွန်းရောက်မှု (neuroticism) စတာတွေအပေါ် အခြေခံထားပါတယ်။ ရှုပ်ရှုပ်ထွေးထွေး နေတတ်တဲ့သူတွေဟာ အပြင်ဆွဲမှုကိုညွှန်းဆိုသော ရမှတ်များကောင်းပြီး သတိကြီးမှုမှာတော့ ရမှတ်တွေ နည်းနေလေ့ရှိပါတယ်။ ရှင်းလင်းပြီး ဘာမှပြင်ဆင်ထားလေ့မရှိတဲ့ အခန်းပိုင်ရှင်တွေဟာ ပွင့်လင်းမှုပိုင်းမှာ အားနည်းကြပြီး သတိကြီးမှုပိုင်းမှာ အားသာကြပါတယ်။

တကယ်တော့ လူတစ်ယောက်ရဲ့ အကြိုက်ကို ပြောနိုင်ဖို့  ရိုးရှင်းသော နောက်တစ်နည်းကတော့ သူ့ကို
ခင်အောင်ပေါင်းဖို့ ပါပဲ။ ဒါပေမယ့် ဒီလို အကဲခတ်ခွဲခြမ်းစိတ်ဖြာမှု (typologies) တွေကို တဘက်သား မိမိအပေါ် ပိုမိုဂရုစိုက်လာစေမယ့် နည်းလမ်းတစ်ခုအဖြစ် ကျွန်တော်တို့  လက်ခံထားရဆဲပါ။ ကျွန်တော်တို့ဟာ ကိုယ့်ရဲ့  တစ်ဦးချင်းဝိသေသန (individuality) တွေအတွက် တင်းခံနေကြမှာ ဖြစ်ပေမယ့် ကျွန်တော်တို့ဟာ ကိုယ့်ကိုယ်ကို စိတ်အားငယ်တတ်သူလား၊ အတွင်းဆွဲများဖြစ်နေပလား၊ ရှုပ်ပွနေလေ့ရှိတဲ့ အခန်းကို ကိုယ့်ရဲ့  ဆန်းသစ်တီထွင်နိုင်မှုကို ပြတဲ့ သင်္ကေတတစ်ခုအဖြစ် ထားမလားစတာတွေအပေါ် မူတည်ပြီး ကိုယ့်ရဲ့ ကိုယ်ရည်ကိုယ်သွေး (personality) ကို သက်တောင့်သက်သာ ခွဲခြမ်းစိတ်ဖြာကြည့်ထားရပါမယ်။ Gosling က ကျွန်တော်တို့ ပတ်ဝန်းကျင်မှာ အချို့သော သူတွေဟာ ကျွန်တော်တို့ ကို အကောင်းဆုံး အခွင့် အလမ်းတွေ ပေးနိုင်သလို အဆိုးဆုံး အန္တရာယ်တွေကို လည်း ပေးနိုင်ပါတယ်၊ ဒါကြောင့် ကျွန်တော်တို့ ဟာ ကိုယ့်ကို ဒုက္ခပေးမလား၊ ကူညီမှာလားဆိုတာကို အလျင်အမြန် ဆုံးဖြတ်နိုင်ဖို့  လိုအပ်ပါတယ်၊ ကျွန်တော်တို့ ဘယ်လိုလူမျိုးဆိုတာ ကျွန်တော်တို့ မျိုှးရိုးကို ရောင်ပြန်ဟပ်နေလို့  ကျွန်တော်တို့ အားလုံးဟာ ကိုယ့် အပေါ် ထင်မြင်သုံးသပ်ချက်တွေကို သိရှိထားချင်ကြတာပါ လို့ ဆိုပါတယ်။ ရှုပ်ထွေးလှတဲ့ ရုံးခန်းပိုင်ရှင် သတင်းထောက်နဲ့  သူ့ ရဲ့ လုပ်ဖော်ကိုင်ဖက်တွေ အတွက်ရော ဒီသတင်းထောက်ဟာ ဖွဲ့စည်းစီမံဆောင်ရွက်နိုင်မှု အားနည်းတဲ့ အပြင်ဆွဲ တစ်ယောက်ဆိုတာ သိထားကြတာဟာ အထောက်အကူ ဖြစ်ပါ့မလား။ အထောက်အကူမဖြစ်ဘဲလည်း ဖြစ်နေနိုင်ပါတယ်။ ဒါပေမယ့် အနည်းဆုံးတော့ ဒီသတင်းထောက်ဟာ သူ့ ကို အတွင်းဆွဲတစ်ယောက်လို့  မထင်မိစေဖို့  နောင်ဆို ဧည့်သည်လာတာနဲ့  ငရုပ်ဆီဘူးကို ၀ှက်ထားသင့်တယ်ဆိုတာ သိသွားရပါပြီ။

( Jennie Yabroff ရဲ့  You are what you keep ကို ဆီလျော်အောင် ပြန်ဆိုထားတာပါ။ Terms တွေကို ဘာသာပြန်ရတာ သိပ်အားမရလှလို့  definitions လေးတွေရှာပြီး ထည့်ပေးလိုက်ပါတယ်။ )

Personality : A set of qualities that make a person (or thing) distinct from another.

Extraversion : the act, state, or habit of being predominantly concerned with and obtaining

gratification from what is outside the self

Introversion : the state of or tendency toward being wholly or predominantly concerned

with and interested in one's own mental life

Neuroticism : A mental or personality disturbance not attributable to any known neurological

or organic dysfunction